Manghugyaw ang mga tulunggon
Nga ginama sa iyang puangod
Ang mamala mubangon
Sa pagsugat sa bag-ong bisibis.
Mukatap ang kabugnaw sa aping sa nangliking mamala
Mahumod hangtod ang iyang kintibuk-an.
Ug unya ang banag-banag natong duha mutumaw
Inig alim sa samad sa yutang atong gisapnay.
Kay mugitib pa ba diay ang adlaw
Kung ang kangiob makababag?
Mudimili ba ang katig-a sa mamala
Kung manghupaw na ang kawanangan sa iyang pasaylo?
No comments:
Post a Comment