Sa pagtugpa palang sa akong mga tudlo, nituya-tuya
Na dayun ang mga litra sa keyboard;
Mura na man ganig andam nang mabulasot ang akong
Kumingking sa kilid ni L ubos ni P
Tayming pud ang pagbunok sa ulan sa dihang
Nahapla ang akong mga kumagko
Ug nilatas akong hunahuna ngadto sa unom nalang ka buok
Namong mga piso sa tangkal. Naato ba kaha tog lublob sa himungaan
Ang gakurog nga mga piso. Nipadayon pagpatuya-tuya
Ang akong mga tudlo sa mga litra.-mga litra nga murag
Giputos, gitipigan, gakurog,
gitugnaw kay
Layo sa imong inalisngaw.
