PANIHAPON

Unya,
Sa inyong katapusang
Panihapon,
Buot ko untang
Muduol,
Mangablit
Kang Nyor Juan
O kaha
Kang Dodong Hudas,
Nga sa paghinol-hinol
sa puntil way puas.
Manghangyo,
Mukamang sa ilawom
Sa talad kan-anan.
Maghangad

Maghulat,
Iyawat mabisbisan.

Intawon pasayloa,
Kay kining babaye
Sa inyong tungod
Buot
Mutagamtam sa aras
Sa bino
Nga inyong tagay-tagayon
Karong semana santa
Atol sa tinghuwaw
Sa kasingkasing
Nakong naughan.