Sa makausa,
Muduko ako
Aron litokon
Ang mga pulung
Sa usa ka
Amang
Sa imong mga pako
Gitipigan mo ako
Sa usa mo ka mando
Mikagiw
Ang mga bungtod
Kauban ang ilang
Mga bahad.
Midahili ang yuta
Aron ako lamyon
Apan gisikop mo
Ang akong kahadlok
Dihang yano mo akong
Gisung-ay.
Busa ania ako
Buot muawit
Alang kanimo.
Apan ang nag-inusara
Kong awit mao ra
Ang hinaguros
Sa akong gininhawa.
Hangtod karon
Ang pagkurog
Sa gaungot
Kong dila
Magpabilin.
Kay bisan gani
Sa akong pagbuka
Ning akong baba
Dili ako takos
Aron sambogan
Ang katin-aw
Sa imong
Kahilom.
No comments:
Post a Comment