SAPID

Dali, Inday
Sapiron
Ko ang imong buhok.
Sige lang
Kung hapdos
Inig bira nako
Sa pila ka lugas.
Tulo ka bahin
Ang akong ilambod
lambod
Hangtod mahipos
Ug masud-ong
Ang korte
Sa imong nawong
Nga matod pa nila
Kopya sa
Dagway ug sa
Nagkapyahok nga
Katuigan
Sa imong Tatay.
Ayaw Inday pasagdi
Mutabon ang imong buhok.
Basin na lang,Inday
Bisan gamay
Sa imong pahiyom
Adunay makit-ang lama
Sa akong dagway.