I have loved you with an everlasting love; I have drawn you with loving-kindness-- Jeremiah 3:3

Saturday, December 31, 2011

PAULI BALIK SA 1990



(Kang Anna Mae)

Magdungan ta sa 
Paghulat sa pagsawop sa
Pulahong adlaw.
Magpatungod ta sa
Iyang ga pula-pulang pinisik
Didto, 
Manghangad kita,
Mangyawat nga
Hugupon sa iyang kabalaan  ang
Gatibugol mong
Pag-ukon ukon.

Didto,
Mupuli ang 
Bulok sa iyang kaisug
Nga bisan ang mga taya
Sa atong mga katuigan
Malanay hangtod  ang
Atong mga galamhan mamalik
Niadtong nagtiniil pa kita
Samtang gabato-lata.

Mahimong ubanan ko ikaw
Kung ang paglatas sa ugma
Mao ang pag-ambak nianang
Malinglahong bung-aw,
Unya,
Inig dagtum nianang unahan
Manglupad kita ug
Didto sa kawanangan,
Way puas tang magduwag
Bato-lata.

No comments:

Post a Comment