I have loved you with an everlasting love; I have drawn you with loving-kindness-- Jeremiah 3:3

Tuesday, October 26, 2010

Kang Vincent




Asa na gani tong
Nagliyok-liyok nga
Mga silaw sa asul
Mong langit?

Mao ba kadtong
Mga silawa
Ang mga bulak
Nga imong gibilin--
Mga bulak nga
Hangtod karon
Wa malarag?

Hain na man diay
Tong mga nagyamiid
Sa imong mga bulak?--
Mga bulak nga
Kaluha sa bulok sa mga
Nangumbitay sa
Kalangitan sa
Imong kagabhion.

Kanus-a ko
Kaha mahibalag
Ang imong kagabhion
Nga way kalainan
Sa bag-ong
Naulanang
Kabuntagon?

No comments:

Post a Comment