I have loved you with an everlasting love; I have drawn you with loving-kindness-- Jeremiah 3:3

Friday, November 19, 2010

PALASYO TA SA BUNBON



Usahay
Didto sa wa
Nasirhing bintana
Mutambo
Ang gitukod tang
Palasyo sa bunbon,
Mangamay nako
Dinhi
Sa nagtuya-tuya tang
Lantay.

Usahay
Mutultol
Ang akong panan-aw
Nianang bintana,
Mamasin
Makita pa unta
Ang gakang-a nga
Gangha-an
Sa atong palasyo
Sa bunbon.

Usahay,
Buot kong
Agdahon ka
Nga lalinon ta na lang
Unta
Kining atong
Lantay
Lapos nianang
Bintana padung
Didto
Sa atong palasyo
Sa bunbon.

Apan
Matag lingi nako
Ning lantay,
Mamugong,
Mangapyot ang mga
Agik-ik,
Laylay,
Ug pyait
Nga mipilit
Sa mga gingi
Ug giwang

Sa lantay tang
Kawayan.

No comments:

Post a Comment