I have loved you with an everlasting love; I have drawn you with loving-kindness-- Jeremiah 3:3

Thursday, June 24, 2010

SA MGA HARING GANGIS


(Kang Nyor Mel, Ury, ug uban pa)


Inig kayab sa mga gangis
Magisi ang mga tabil.
Mulandong
Ang teatrong
Giyukbuan.
Mapus-aw
Ang mga bulok
Nga midayan-midayan
Sa entabladong biniyaan.
Unya mutabon ang gadag-om
Nga telon.

Muabot man ugaling
Ang mga bag-ong tingog
Aron mupasundayag
Sa tungtunganan
Sa mga banggiitan,
Sa gihapon
Ang luna
Sa mukaylab
Nga mga gangis
Magpabilin--
Magdan-ag.

Bisan kanus-a
Dili gyud
Masawpan.

No comments:

Post a Comment