Giunsa mo man
Paghangyo ang
langit?
Gipakunsad ba
Nimo si
Nyor Gabriel
Arun tagdon
Ang nabuni mong
Taguangkan?
Kapila na kaha
Maghitak ang
Salog sa imong
Mga pangaliyupo
Dihang ikaw
Muluhod
Unya muhapa
Aron samokon
Ang langit
Sa imong mga
Hangyo?
Giam-aman mo sab
Kaha ang
Nangluod nga
Kinatumyan
Nianang kapunawpunawan
Aron matultolan
Sa iyang hayag
Ang dalan padulong
Sa nagkang-a
Mong pultahan
Sama sa pagtukas
Sa nasawpan
kong taguangkan?
No comments:
Post a Comment