I have loved you with an everlasting love; I have drawn you with loving-kindness-- Jeremiah 3:3

Friday, July 30, 2010

HINANGYOAY SA CARBON


Tana Dong,
Ibilin na
Nang karomata
Didto sa may Freedom Park.

Dali
Bayloan ko na lang
Nang dugay na nimong ginuyod
Ug pinutos nga trak
Gikan sa Toy Kingdom
Sa SM.


Tana,
Ipatimbang ta
Ang tanan nimong
Gibaguod
Pito na ka tuig.


Ibilin
Sad ang mikunsad
Nimong kalibutan
Sa aso
Nga imong gipabulhot
Sa sayo sa kadlawon
Didto sa mga nangamig nga
Aseras
Sa Ermita.


Tigumon ko
Kining mga upos
Nga imo unyang isalibay.
Ilubong ko
Sa lapok sa
Carbon
Aron ugma
Wa na kay balik-
balikon.

No comments:

Post a Comment