(kang Nanay Moling)
Matod mo
Mutikang ka na palayo
Sa lapyahan nga akong naandan
Sa daplin diin ako mutultol
Sa mga pukot nga imong ginama
Mga pukot nga akong sumbanan
Matod mo lawom ang lawod
Nga latason
Nan, unsaon ko pagsawm
Kung sa imong pagikan
Mahanaw na usab ang pukot
Nga akong gitamdan?
Mamidpid na ba lang kaha ko
Dinhi sa nangitngitang suba
Hangtod ipamulong mo
Nga imong ibilin ang imong mga bukton
Sa pagsapnay kanako
Kung ako musugat na nianang dakong bul-og?
No comments:
Post a Comment