NGANONG ANG LALAKI DILI KAPYOT-KAPYOTAN

Matod sa akong bana
Ang lalaki dili bagon
Nga kabyon-kabyonan
Sa babaye kung
Buot mulatas sa pikas tampi
Ngadto sa lain pang tampi.

Kay ang lalaki
Puno-an,
Landong nga kapahulayan;
Apan malaya ra
Kauban sa mga sanga niini,
Inanayng mangalagas
Kung wa’y musandig.
Kung wa’y magpabilin;


Dili mahingpit nga haligi
Kung kapyot-kapyotan
Lamang,
Latas-latasan
Dungan sa mabalhinong
Hinaguros
Sa mabugnawng
Hangin.