Asa man diay
Niambak
Ang tubig-ulan?
Dili ba
Hagbay rang
Milalin ang
Hulaw?
Nganong
Namidpid ka
Pa man sa tampi
Sa imong nahubsang
Suba?
Nakalimot ka
Ba nga didto
Sa kinatumyan,
Sa usa lang
Ka hangyo,
Ang mga linusok
Nga tubig
Mamintana?
Sa daklit
Nimong pagtangla,
Mangambak
Ang tubig
Lapos sa
Kinabag-ang panganod
Muhangop
Padulong nimo
Sa pagbanlas
Sa nangligid nga tubig
Sa imong mga mata
Palayo
Sa imong aping?
No comments:
Post a Comment